اعتزر عن عدم متابعة البلوج
وسيتم متابعتة وتجديدة قريبا انشاء الله
Thursday, April 19, 2007
Friday, April 13, 2007
اوقات فراغ
السلام عليكم ورحمة اللة وبركاتة
يارب الكلام الى انا هاكتبو دة يكون لية فايدة ويعجب الناس او اقدر افيد حد برايي
انا موضوعى هايكون اسمة
اوقات فراغ
انا مش هاطول عليكم بس عايزة كل واحد بسرعة يفكر فى اوقات فراغه
وازاى يستفيد منها ويفيد غيرة
وخصوصا ان الصيف داخل علينا ومعظمنا فى الجامعات وهنكون عندنا فراغ كبيررررررررر وعايزين نواجة فية كل الحاجات المللة بتاعتنا الى احنا متعدوين عليها ياريت كل واحد يكتب عن الحاجت الى بيعملها وعايز يغيرها او الحاجات الى عايز تلاقي حد بيعملها وعمرك ما عملتها وممكن مع بعض نحاول نعبر عن نفسنا وعن رغبتنا فعلا فى التغير كشباب متحضر متدين .
وياريت بما ان موضوعنا اسمة اوقات فراغ وهو برضو عنوان فيلم بتاع شباب واوقات فراغ وضياع البعض منهم ياريت بعد الكومنت بتاع كل واحد يكتبلى اى شخصية من شخصيات الفيلم سواء البنات او الولاد طبعا انت شايف انها قريبة منك اومن حد تعرفة وشايف الحل
اية بالظبط
لا الة الا انت سبحانك انى كنت من الظالمين
موضوع بقلم..اقصد بكيبورد
saso 52
قولنا على فكرتك او مشكلتك او حكاويك
بسم الله الرحمن الرحيم
زى ما احنا عارفين ان البلوج دا بقلم زوارة
بمعنى ان كل الزوار يقدرو ينشرو افكارهم او مشاكلهم او حكاويهم
حكاوى تهمنا
يعني هتكتب هنا فكرتك باختصار ولو لاقيناها تستحق فعلا اننا نتكلم عنها هنطلب منك تكتبها كاملة واحنا هنتكفل بنشرها عشان الناس كلها تشوفها وتعلق عليها وتستفيد منها
بس شوية ملاحظات لو هتكتب موضوع فعلا
- تحاول تكتب عن حاجة مهمة فعلا للشباب
- تكتب فكرة عامة في الاول وبعد كدا تخش في التفاصيل عن طريق اسلوبك في الكتابة
- حاول الموضوع مايكبرش منك عشان نقدر ننشرة كامل
- اسمحولنا بعد ما تكتبو حكاويكم او مواضيعكم اننا نعدل فيها شوية لو فيها اخطاء املائية او فية كلام هنزودو او كلام هنشيلة وطبعا دا عشان يظهر موضوعك في احلى صورة
مستنيين نشوف افكاركم وحكاوييكم يا شباب
Thursday, April 12, 2007
حكاوى تهمنا
بسم الله الرحمن الرحيم
حكاوى تهمنا
البلوج دا معمول لية وهدفة اية ومين بيشرفو علية ومين بينزلو فية مواضيع ومين بيديروة
البلوج دا معمول لية؟
معمول عشاننا
يعني اية
يعني معمول عشان كل زوارة يستفيدو بية عن طريق موضوعاتة وعشان نقدر نتناقش عن مواشيع تهمنا ومشاكل مضايقنا ونحاول كلنا نلاقيلها حل
هدفة اية؟
هدفة اننا نحاول على قد ما نقدر نساعد بعض
حكاوى تهمنا بلوج بقلم زوارة هدفه اتاحة الفرصة لكل زوارة انهم يتكلمو ويطرحو افكارهم ومشاكلهم وحكاويهم
مين بينزلو فية مواضيع؟
كل اصدقاء البلوج دا وزوارة يقدرو ينزلو فية مواضيع عن طريق موضوع ثابت لطرح المواضيع
مين بيشرفو علية؟
كلنا هنشرف علية لانة مش ملك حد دا كلمكنا كلنا
مين بيديروة؟
مجموعة من الشباب اللى بيحاول يساعد نفسة ويساعدكم
mido
saso52
ahmed khaled
دول حاليا المديرين
ممكن يكونو مديرين مؤقتا
وانشاء الله هيزيدو قريب
اخيرا
احنا بدأنا
ويارب انتو تكملو
Subscribe to:
Posts (Atom)